Naleqartitat

HECA Nuuk A/S aliikkutassaqartitsilluarnikkut, pitsaasumik misigisassaqartitsinikkut sassaalliilluarnikkullu peqqinnartumik, patajaatsumik kiisalu avatangiisitigut tikeraanut sulisunullu peqqinnartumik suliniuteqarpoq. Aliikkutassaqartitsinerup kiisalu neriniartarfeqarnerup silarsuaani pimoorussisumik, ataavartumik kiisalu inuiaqatigiinni peqqissutsitigut mianerinnittumik inerisaarusuppugut.

Imaanngilaq pulaartunik erngutsitsiniartugut, kisiannili unnuup ingerlanera nalilimmik pitsaasumillu misigisassaqarfiunissaanik tunniusserusuppugut. Inuiaqataassutsikkut akisussaaqataanerput eqqummaariffigivarput, kiisalu kalaallit inuiaqataassutsikkut pitsaasumik ineriartueqataanissarput ataavartumik suleqataaffigalugulu kissaatigivarput.

Ilummut avammullu tuniniaariaatsikkut pinaveersaartitsinermik oqariartuuteqartuarnissamut suliniuteqartuartuuvugut. Pimoorussilluta pinaveersaarinnittuuvugut ukiukitsut unnussiornissamut isertinneqannginnissaannut kiisalu nakuusernermi ilaaqqunnissaannut pinaveersaartitsisuulluta aammattaaq unnussiornerup toqqissiviittoqannginnissaanut suliniuteqartuarpugut.

Tamanut inissaqartitsineq
HECA Nuuk A/S-imi tamatta naligiippugut. Tamattali inuit assigiinngitsuuvugut, tamannalu iluaqutaavoq. Tamatta ataqqeqatigiinnermik pilersitsisuuvugut.

Oqaatsinut politikki
Kalaallit Nunaanni kalaallisut oqaatsini pingaarnersaavoq, tamannalu attaveqaqatigiinnikkut sukataarutigilluinnarparput atorneqarnissaa. Suliffiup iluani kalaallisut, tuluit kiisalu qallunaat oqaasiannik atuiffiuvoq.

Tunisassiatigut/Brandsitigut oqaatsip ilanngunneqarnissaanut suliaqarpugut, tamannalu pilersaarutitsigut tunisassiatigullu, Kalaallit Nunaanni avammullu tunisassiani, kalaallit oqaasiata soqutigineqarnerulernissaanut ineriartueqataanissarput kissaatigivarput.