CORPORATE

HECA Nuuk A/S Nuummi, Kalaallit Nunaanni, neriniartarfinnik imerniartarfinnillu amerlanernik piginnittuuvoq ingerlatsisuullunilu. Tassanilu nunatsinni natklubbi annersaat kiisalu kalaallit immiorfiat Godthåb Bryghusi. HECA Nuuk A/S-imut aamma Kristinemut ilaavoq, tassaasoq Kalaallit Nunaanni nipilersoriarfiit pisoqaanersaat tallimanngornerit, arfininngornerit sapaatillu tamaasa appisimaartarfik.

HECA Nuuk A/S arlalinnut aliikkutassaqartitsinermut pilersuisuuvoq pisoqartitsisartuullunilu. 2016-imi 200-inik ikinnerunngitsut sinnerlugit nipilersortitsinikuuvoq kalaallit nunanillu allaniit nipilersortartuinik bandiinillu appisimaartitsinikuuvoq, unnussiualaartitsisarnikuuvoq il.il.

Suliffeqarfik CSR-politikkimik ingerlatsilernikuuvoq, pinaveersaartitsinerullu iluani aalajangersimasunik nukittuunngortitsisunik suliniuteqarsimalluni. Immiorfimmiit puut tamarmik imigassartornermi atuinissamut mianersoqqussutinik naqititsisarpoq. Piseqqusaarutit amerlanersaat suliniutillu tamarmik, immiorfimmiit ingerlanneqartut, pinaveersaartitsinermut attuumassuteqartunik imaqarnikuupput. Taamatuttaarlu suliffeqarfik unnussiornerni upalungaarsimanermut toqqissisimanissamullu isumannaallisaanissamut suliniuteqarnikuuvoq paasititsiniaanikkut, susoqartitsinikkut kiisalu ataavartumik Politiit oqartussallu allat suleqatigineritigut.

Suliffeqarfiup sumiussutsikkut nukittorsarneqarnera ataavartumik suliniuteqaqataaffigivaa, kiisalu inuiaqataassutsikkut pitsaasumik inerisaasoqarnissaanut siuarsaaqataavoq sumiiffimmi innuttaasunik sulisulersuinikkut kiisalu kalaallisut attaveqarneq inerisaanerlu annertuumik inerisaaffigalugu.

Suliffeqarfiup tamatigoortumik sammisassaqartitsinermigut, soorlu aliikkutassaqartitsinikkut inerisaanikkullu ”suliniuteeqqanut” assigiinngitsunut tuniniaaneq, Kalaallit Nunaannullu soqutiginninnerup nukittorsarneqarnera, nunatsinniit tunisassianut kiisalu takornariaqarnikkut sammisassatigut periarfissiuussineq eqeersimaarfigivai.